Aprelin 24-nə keçən gecə Rusiya ordusu Ukraynanın Odessa şəhərinə pilotsuz uçuş aparatları ilə hücum edib.
Azinformasiya.az UNİAN-a istinadən xəbər verir ki, şəhər gecə ərzində bir neçə dəfə dronlarla hədəf alınıb.
PUA-ların yaşayış məntəqələri üzərində uçduğu bildirilir.
Ukrayna Dövlət Fövqəladə Hallar Xidmətinin Odessa vilayəti üzrə idarəsindən verilən məlumata əsasən, hücumlar nəticəsində ilkin məlumatlara görə 2 nəfər həlak olub, 14 nəfər yaralanıb.
Zərbələrin əsasən yaşayış binalarına və mülki infrastruktura yönəldiyi qeyd olunur.
Hücum zamanı 3 mərtəbəli yaşayış binasına düşən zərbə nəticəsində mənzillər dağılıb və yanğın baş verib.
Bu hadisə nəticəsində 6 nəfər xəsarət alıb. Bundan başqa, iki 2 mərtəbəli yaşayış binası da dağılıb. Ərazidən 1 nəfər xilas edilib, 20 nəfər, eləcə də 2 uşaq təxliyə olunub.
Bu istiqamətdə daha 7 nəfərin yaralandığı bildirilir.
Azinformasiya.az