Rusiyanın Ukraynaya gecə hücumu danışıqlar prosesi üçün “çox pis siqnal”dır.
Azinformasiya.az xəbər verir ki, bu barədə NATO-nun Baş katibi Mark Rutte Kiyevdə Ukrayna Prezidenti Volodimir Zelenski ilə birgə mətbuat konfransında deyib.
Rutte bildirib ki, bu hücum müharibənin ən güclü üç zərbəsindən biri olub: “İsti su təchizatı sisteminə −25°C temperaturda zərbə vurmaq hərbi məqsədlər üçün deyil, mülki əhali arasında xaos yaratmaq deməkdir. Bu, ağlasığmazdır. Prezident Zelenski Ukrayna üçün məqbul razılaşmaya hazırdır, lakin Rusiyanın gecə hücumları son dərəcə “pis bir siqnal”dır”, – o vurğulayıb.
Azinformasiya.az