Cəlilabadda baş verən qəzada 3 nəfər xəsarət alıb.
Azinformasiya.az xəbər verir ki, hadisə Ələt-Astara avtomobil yolunun 87-ci km-də baş verib.
Hərəkətdə olan “Kia” markalı nəqliyyat vasitəsi idarəetməni itirərək aşıb. Qəza nəticəsində 3 nəfər xəsarət alıb.
TƏBİB-dən verilən məlumata əsasən, xəsarət alanlar (1-i kişi, 2-si qadın) Cəlilabad Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.
Onlara bədənin müxtəlif nahiyyələrinin çoxsaylı travmaları diaqnozu təyin edilib.
Hazırda hər 3 şəxsin vəziyyəti stabil olaraq qiymətləndirilir, müalicələri Təcili tibbi yardım şöbəsində davam etdirilir.
Faktla bağlı araşdırma aparılır.
Azinformasiya.az