Türkiyə İsraillə bütün ticarət əlaqələrini kəsib.
Azinformasiya.az xəbər verir ki, bu barədə Türkiyənin xarici işlər naziri Hakan Fidan parlamentdə İsrailin Qəzzaya hücumu və bölgədəki mövcud vəziyyətin müzakirəsi zamanı bildirib.
“Türkiyə gəmilərinin İsrail limanlarına getməsinə icazə vermirik, İsrail təyyarələrinin isə hava məkanımıza daxil olmasına imkan vermirik”, – XİN başçısı qeyd edib.
Hakan Fidanın sözlərinə əsasən, İsraillə İran arasındakı gərginlik bütün region üçün risk təşkil edir.
XİN başçısı Türkiyənin fələstinlilərin Qəzza zolağından köçürülməsinə qarşı olduğunu da bəyan edib.
Azinformasiya.az