Qəbələdə qətl hadisəsi olub.
Azinformasiya.az xəbər verir ki, hadisə dünən 19.00 radələrində Solquca kəndi ərazisində qeydə alınıb.
Kənd sakini 1986-cı il təvəllüdlü Teymur Eynulla oğlu Səfərəliyev münaqişə zəminində həmkəndlisi, 1974-cü il təvəllüdlü Dəmir Rəsul oğlu Ayvazovun baş nahiyəsinə dəhrə ilə zərbə endirib.
Ağır xəsarət alan 51 yaşlı kişi hadisə yerində ölüb. T.Səfərəliyev könüllü olaraq polis şöbəsinə gedərək təslim olub. Faktla bağlı araşdırma aparılır.
İlkin ehtimallara əsasən, hadisə söyüş üstündə baş verib.
Azinformasiya.az