ABŞ Prezidenti Donald Tramp Çinin ABŞ mallarına 34%-lik cavab rüsumları tətbiq etmək qərarını “yanlış oyun” adlandırıb.
Azinformasiya.az xəbər verir ki, bu barədə Tramp “Truth Social” platformasındakı hesabında yazıb.
Tramp Çinin cavab tarifləri tətbiq etməsindən sonra Pekinin “yanlış addım atdığını” və “panikaya düşdüyünü” bildirib.
“Çin yanlış oyun oynadığına görə panikaya düşüb. Çinin edə biləcəyini yeganə iş elə məhz panikaya düşməkdir”, –Ağ Evin rəhbəri vurğulayıb.
Qeyd edək ki, Çin hökuməti Amerika Birləşmiş Ştatlarından idxal olunan mallara 34 faiz tariflər tətbiq edib.
Azinformasiya.az