Kürdəmirdə yol-nəqliyyat hadisəsi olub.
Azinformasiya.az xəbər verir ki, hadisə gecə saatlarında Ağsu-Kürdəmir avtomobil yolunun rayonunun Atakişili kəndi ərazisindən keçən hissəsində baş verib.
Hərəkətdə olan “Hyundai” markalı avtomobil idarəetmədən çıxaraq su kanalına düşüb.
Qəza zamanı avtomobildə olan rayon sakinləri 25 yaşlı Mustafa Hacıyev və onun həmyaşıdı Ramin Məhərrəmov müxtəlif dərəcəli bədən xəsarətləri alıblar.
Avtomobildə sıxılmış vəziyyətdə qalan zərərçəkənlər FHN-in əməkdaşları tərəfindən avtomobildən çıxarılaraq aidiyyəti üzrə təhvil veriliblər.
Faktla bağlı araşdırma aparılır.
Azinformasiya.az