Londona səfər edən Ukrayna Prezidenti Vladimir Zelenski Böyük Britaniyanın Baş naziri Keir Strarmerlə görüşdə ölkəsinin Rusiya ilə müharibədə qələbəsini nəzərdə tutan planı təqdim edib.
Azinformasiya.az “Sky News“a istinadən xəbər verir ki, tərəflər müttəfiqlərlə birlikdə onun üzərində iş aparılması barədə razılıq əldə edib.
Ukrayna dövlət başçısı deyib ki, sözügedən sənəd müharibənin ədalətli şəkildə başa çatdırılmasını ehtiva edir:
“Müəllifi olduğumuz planın əsas müddəası müharibənin ədalətli olaraq yekunlaşması ilə bağlı tədbirləri müəyyənləşdirir. Plana əsasən Ukrayna ordusunun Kursk istiqamətindəki hərbi əməliyyatları davam etdirməsi də nəzərdə tutulur. Mən fürsətdən istifadə edib ölkəmizi uzaqmənzilli silahlarla təchiz etdiyi üçün Böyük Britaniyaya təşəkkür edirəm”.
Azinformasiya.az