İsrail ordusu Livanda Hizbullahın iki əsas komandirini öldürüb.
Azinformasiya.az xəbər verir ki, bu barədə İsrail Müdafiə Qüvvəlləri məlumat yayıb.
Bildirilib ki, İsrail hava zərbələri nəticəsində Livanın cənubunda iki Hizbullah komandiri – Əhməd Mustafa Əlhaj Əli və Məhəmməd Əli Həmədanı öldürülüb.
Məlumata əsasən, öldürülənlər İsrail ərazilərinə çoxsaylı tank əleyhinə raketlərin buraxılmasına cavabdeh olan Hizbullah komandirləridir .
Bundan başqa, İsrail ordusunun ötən gecə Livanın cənubunda və Beyrutda silah anbarlarına zərbələr endirdiyi qeyd olunub.
Həmçinin bildirilib ki, Beyrutdakı zərbələrdən əvvəl mülki şəxslərə dəyən zərəri məhdudlaşdırmaq üçün müxtəlif addımlar atılıb, təxliyə üçün əvvəlcədən xəbərdarlıq edilib.
Azinformasiya.az