Lənkəranda yol-nəqliyyat hadisəsi olub.
Azinformasiya.az xəbər verir ki, hadisə Lənkəran-Boradigah-Masallı avtomagistralında, Lənkəran rayonunun Şağlaser kəndi ərazisində qeydə alınıb.
Belə ki, hadisə zamanı iki minik avtomobili toqquşub. Qəza nəticəsində sərnişinlər Lənkəran rayon Gəgiran kənd sakinləri 1978-ci il təvəllüdlü Şücaət Əsgər oğlu İbadov və həyat yoldaşı 1978-ci il təvəllüdlü Nüşabə Hüseynağa qızı İbadova müxtəlif dərəcəli bədən xəsarətləri alaraq Lənkəran rayon mərkəzi xəstəxanasına hospitalizasiya olunublar.
Qeyd edək ki, sözügedən kənddə bu gün, gecə saatlarında ölümlə nəticələnən yol-nəqliyyat hadisəsi baş vermişdir.
Faktla bağlı araşdırma aparılır.
Azinformasiya.az