Avropa İttifaqı Şurasının Prezidenti Şarl Mişel Qəzza ilə bağlı çağırış edib.
Azinformasiya.az xəbər verir ki, bu barədə Şarl Mişel “X” hesabında yazıb.
“Qəzzalı uşaqlar və körpələr qida çatışmazlığından ölür. Qəzzada müharibə aləti olan aclığa dərhal son qoymaq üçün ciddi və təcili səylər tələb olunur.
Beynəlxalq ictimaiyyət dəfələrlə Qəzzaya daha çox humanitar yardımın daxil edilməsinə çağırıb, xüsusilə də aclığın qarşısını almaq üçün BMT-nin iki məcburi qətnaməsi var. İsrailin Erez keçid məntəqəsini müvəqqəti olaraq yenidən açması, eləcə də Aşdod limanından yardımların daxil olmasına icazə verməsi kifayət deyil”, – Şarl Mişel vurğulayıb.
Azinformasiya.az