Gürcüstan Ermənistan-Azərbaycan münaqişəsində tərəf tuta bilməz.
Azinformasiya.az xəbər verir ki, bunu Gürcüstan Baş naziri İrakli Qaribaşvili Paris Sülh Forumunun panel müzakirəsində deyib.
O, Gürcüstanın hər iki ölkə ilə də dostluq əlaqələrinə malik olduğunu, bu səbəbdən 100 faiz neytrallıq nümayiş etdirdiyini bildirib.
“Gürcüstanın Azərbaycanla strateji tərəfdaşlıq əlaqələri, dostluq əlaqələri var, eyni zamanda qardaş Ermənistanla dostluq əlaqələrinə malikdir. Gürcüstan qərəzli ola bilməz, biz 100 faiz neytralıq və bu vəziyyətdə heç bir tərəfi tuta bilmərik. Dostum Nikol Paşinyan bu mövqeyi yaxşı bilir. Eyni şeyi dostum İlham Əliyev haqqında da deyə bilərəm”, – Qaribaşvili vurğulayıb.
Baş nazir Gürcüstanın tərəfsizliyinin bütün region üçün vacib olduğunu qeyd edib.
Azinformasiya.az