Avropa İttifaqı (Aİ) İrana qarşı sanksiyaları genişləndirib.
Azinformasiya.az Aİ Şurasına istinadən xəbər verir ki, Şura İranda ciddi insan hüquqları pozuntularına məsul olan dörd fiziki şəxs və altı quruma qarşı onuncu məhdudlaşdırıcı tədbirlər paketini qəbul edib.
Bugünkü siyahıya İmam Əli Mərkəzi Təhlükəsizlik Qərargahında İslam İnqilabı Keşikçiləri Korpusunun (SEPAH) Ali Baş Komandanının müavini, o cümlədən Mazandaran və Fars əyalətlərinin polis komandirləri daxildir.
Aİ Şurası, eyni zamanda Kaçui həbsxanası və onun rəisinə də sanksiya tətbiq edib.
Sənəndəc, Zahedan və İsfşan həbsxanaları, eyni zamanda “Tasnim News” xəbər agentliyi sanksiya siyahısında öz əksini tapıb.
Azinformasiya.az