Ukrayna kəşfiyyat bölmələri xüsusi əməliyyat çərçivəsində Rusiya tərəfindən 2014-cü ildə qanunsuz şəkildə ilhaq olunan Krım yarımadasına daxil olub.
Azinformasiya.az UNIAN-a istinadən xəbər verir ki, bu məlumatı Ukrayna Müdafiə Nazirliyinin Baş Kəşfiyyat İdarəsinin rəsmisi Andrey Yusov “hromadske”yə açıqlamasında bildirib.
“Müdafiə Nazirliyinin Baş Kəşfiyyat İdarəsinin bölmələri xüsusi əməliyyat çərçivəsində desant çıxarıb, bütün tapşırıqlar yerinə yetirilib. Xüsusi əməliyyat çərçivəsində şəxsi heyət yarımadanın ərazisinə daxil olub. Baş Kəşfiyyat İdarəsi Hərbi Dəniz Qüvvələri ilə birgə xüsusi əməliyyat keçirib, məqsədə çatılıb, şəxsi heyət arasında itki olmayıb. Xüsusi əməliyyat davam edir, bütün təfərrüatları açıqlamırıq, düşmənin şəxsi heyəti, həmçinin qüvvə və vasitələri arasında itkilər var. Ölənlərin sayı ilə bağlı məlumat dəqiqləşdirilir”, – Yusov diqqətə çatdırıb.
Azinformasiya.az