Ərdoğan yaxın vaxtlarda Putinlə Taxil Sazişi ilə bağlı danışıqlar aparacağını bildirib

Taxıl sazişinin dayandırılması bəzi regionlarda ərzaq qiymətinin artımına, aclığa və yeni miqrasiya dalğalarına səbəb olacaq.

 

Azinformasiya.az xəbər verir ki, bunu Şimali Kipr Türk Respublikasına səfərindən qayıdarkən jurnalistlərə açıqlamasında Türkiyə Prezidenti Rəcəb Tayyib Ərdoğan söyləyib.

Türkiyə dövlət başçısı Rusiya ilə münasibətlərinin normal olduğunu və həm XİN, həm də Türkiyə Kəşfiyyat Təşkilatı (MİT) səviyyəsində danışıqların davam etdirildiyini vurğulayıb.

“Bu danışıqların nəticəsi kimi bu məsələni tezliklə cənab Putinlə müəyyən yerə bağlayacağıq. Rusiyanın da müəyyən gözləntiləri var. Əgər bunlar olarsa, Rusiyanın bu mövzuda aktiv fəaliyyət göstərməsinin şahidi olacağıq. İnanıram ki, məsələni cənab Putinlə ətraflı müzakirə etməklə biz bu humanitar hərəkatın davamını təmin edəcəyik”.

Ərdoğan Taxıl sazişi vasitəsilə dünya bazarlarına 33 milyondan çox taxıl göndərildiyini də bildirib.

“Bununla da, biz pandemiya və iqtisadi böhrandan sonra nəticələri daha ağır olacaq qlobal ərzaq böhranının qarşısını aldıq”.

Türkiyə Prezidenti, həmçinin Putinin avqustda Türkiyəyə edəcəyi səfərdə də sözügedən məsələni müzakirə edəcəklərini qeyd edib.

 

Azinformasiya.az

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir