Rusiya Prezidenti Vladimir Putin Ukraynaya kasetli bombalarının tədarükünə münasibət bildirib.
Azinformasiya.az xəbər verir ki, “Rossiyа” telekanalına müsahibəsində Putin bildirib ki, ABŞ özü əvvəllər kasetli sursatlardan istifadəni cinayət adlandırıb və buna bu cür yanaşmaq lazımdır.
Onun sözlərinə əsasən, ABŞ bunu sursat çatışmazlığına görə edir: “Onların sursatlarla bağlı çatışmazlığı var. Xatırladım ki, Ukrayna ordusu gün ərzində hərbi əməliyyatlarda 5-6 min 155 kalibrli sursat sərf edir. ABŞ isə ayda 15 min ədəd 155 kalibrli sursat istehsal edir”.
Rusiya lideri ölkəsinin kasetli sursatlarından istifadə etməyə hələ ehtiyacının olmadığını deyib: “Amma onlardan bizə qarşı istifadə olunarsa, bizim cavab vermək hüququmuz var” .
Putin Rusiya ordusunun müxtəlif tipli kasetli sursatları ilə kifayət qədər təchiz olunduğunu da diqqətə çatdırıb.
Azinformasiya.az