Polşa onlarla “Mi-24” döyüş helikopterini Ukraynaya göndərib.
Azinformasiya.az bu barədə “Wall Street Journal”a istinadən xəbər verir.
“Ukraynanın sadiq müttəfiqi olan Polşa bu yaxınlarda Kiyevə sovet istehsalı olan onlarla Mi-24 döyüş helikopteri göndərib”, – nəşr öz mənbələrinə istinadən yazır.
Polşa Rusiya ilə müharibədə Ukraynaya ən çox dəstək verən ölkələrdən biridir. Varşava Kiyevə hərbi yardım göstərir, eyni zamanda Ukraynanın NATO-ya dəvətini dəstəkləyir.
Bundan əlavə, Polşa Ukrayna Hərbi Hava Qüvvələrinə “MiQ-29” təyyarələrini verib. Polşa, eyni zamanda ukraynalı pilotlara “F-16” qırıcılarını idarə etmək barədə təlim keçməyi planlaşdırır və artıq müvafiq cədvəl tərtib olunub.
Azinformasiya.az