Türkiyə, Rusiya, İran və Suriya xarici işlər nazirlərinin müavinləri Moskvada görüşüblər.
Azinformasiya.az xəbər verir ki, bu haqda Rusiya mediası məlumat yayıb.
Tərəflər arasında Türkiyə ilə Suriya arasında münasibətlərin normallaşdırılması müzakirə edilib.
Görüşdə Türkiyə xarici işlər nazirinin müavini Burak Akçapar, Suriya xarici işlər nazirinin müavini Ayman Susan, İran xarici işlər nazirinin siyasi məsələlər üzrə müşaviri Əli Əsgər Hacı və Rusiya xarici işlər nazirinin müavini Mixail Boqdanov iştirak ediblər.
Görüşdə Türkiyə və Suriya XİN başçıları arasında keçiriləcək ikitərəfli görüşün vaxtı və yerinin müəyyən edilməsi məsələsinin müzakirə edildiyi bildirilib.
Danışıqların bu gün də davam edəcəyi ehtimal olunur.
Azinformasiya.az 