Qaxda yol qəzası olub.
Azinformasiya.az xəbər verir ki, hadisə Zaqatala-Qax avtomobil yolunun Qax rayonu Güllük kəndi ərazisindən keçən hissəsində baş verib. “Nissan” və “VAZ-21099” markalı minik avtomobilləri toqquşub. Qəza nəticəsində xəsarət alan “VAZ-21099” markalı avtomobilin sərnişini, Qax rayonu Qıpçaq kənd sakini 1979-cu il təvəllüdlü Azər Cavanşir oğlu Davudov Qax Rayon Mərkəzi Xəstəxanasının Təcili Tibbi Yardım şöbəsinin avtomobili ilə xəstəxanaya çatdırılıb. Vəziyyəti orta-stabil qiymətləndirilir.
Sözügedən faktla bağlı Qax rayon Polis Şöbəsində araşdırma aparılır.
Azinformasiya.az