Bu gün Təl-Əviv şəhərində Azərbaycan səfirliyinin açılışı olacaq.
Azinformasiya.az xəbər verir ki, açılış mərasimində Azərbaycan xarici işlər naziri Ceyhun Bayramov, Milli Məclisin bir qrup deputatı və digər şəxslər iştirak edəcək.
Qeyd edək ki, keçən ilin sonunda Milli Məclis Azərbaycan Respublikasının İsrail Dövlətində (Təl-Əviv şəhərində) Səfirliyinin təsis edilməsi haqqında qanun layihəsini qəbul edib.
Bundan əlavə, Prezident İlham Əliyev “Azərbaycan Respublikasının İsrail Dövlətində (Təl-Əviv şəhərində) Səfirliyinin təsis edilməsi haqqında” qanunu təsdiq edib.
Azərbaycanın İsraildəki səfiri vəzifəsinə Muxtar Məmmədov təyin edilib.
Azinformasiya.az