Fransa hökumətinin təklif etdiyi pensiya islahatı demokratik yolunu davam etdirəcək və ilin sonuna qədər qüvvəyə minməlidir.
Azinformasiya.az TASS-a istinadən xəbər verir ki, bunu Fransa Prezidenti Emmanuel Makron TF1 və France 2 telekanallarına müsahibəsində söyləyib.
“Bu mətn demokratik yolunu davam etdirəcək” deyən Makron, parlamentdəki müzakirələr və qanun layihəsinin qəbulundan sonra hökumətə etimad səsverməsi də daxil olmaqla bütün rəsmi prosedurlara əməl edildiyini xatırladıb: “Biz qanun layihəsi ilə bağlı Konstitusiya Şurasının rəsmi mövqeyini gözləməliyik”.
Makron, eyni zamanda islahatın ilin sonuna kimi qüvvəyə minəcəyinə ümid etdiyini bildirib.
Azinformasiya.az