Rusiya sülhməramlıları Qarabağa yerləşdirildikdən sonra 1900-dan çox hərbçinin cəsədini Ermənistan və Azərbaycanın yerli hakimiyyət orqanlarına təhvil veriblər.
Azinformasiya.Az xəbər verir ki, bunu “TASS”a Rusiya Silahlı Qüvvələrinin Cənub Hərbi Dairəsinin komandanının müavini, Qarabağdakı Rusiya sülhməramlılarının keçmiş komandanı general-leytenant Rüstəm Muradov deyib.
“Rusiyalı sülhməramlılar Ermənistan və Azərbaycanın yerli hakimiyyət orqanlarına 1960 cəsəd təhvil verib. Axtarış tədbirlərini davam etdiririk”, – deyə Muradov bildirib.
O, həmçinin qeyd edib ki, hər iki tərəfdən 100-dən çox hərbçi əsirlikdən azad olunaraq vətənlərinə qaytarılıb.